Ministrat e Jashtëm të Bashkimit Evropian janë pajtuar të martën për t’i hequr sanksionet ekonomike kundër Sirisë, njoftoi shefja e politikës së jashtme të BE-së, Kaja Kallas.
Me anë të një postimi në platformën X, Kallas tha se “Dëshirojmë ta ndihmojmë popullin sirian ta ndërtojë një Siri të re, gjithëpërfshirëse dhe paqësore”.
Ajo shtoi se “BE-ja ka qenë gjithmonë pranë sirianëve gjatë 14 vjetëve të fundit – dhe do të vazhdojë të jetë.”
Udhëheqësit e rinj të Sirisë kanë kërkuar me ngulm heqjen e sanksioneve ndërkombëtare, të cilat ishin vendosur për shkak se ish-presidenti i vendit, Bashar al-Assad, kishte shtypur kundërshtarët duke e zhytur vendin në luftë civile.
