Përfaqësuesja e lartë e Bashkimit Evropian, Kaja Kallas u takua sot me presidentin e Serbisë, Aleksandër Vuçiç. Kallas me anë të një postimi në X ka reaguar pas takimit me Vuçiç duke theksuar nevojën për angazhim të sinqertë dhe reforma të thellë drejt BE.
“Dua ta shoh Serbinë që ecën përpara drejt BE-së. Për këtë, liderët politikë duhet të bëjnë reformat e nevojshme dhe të qartësojnë drejtimin strategjik,” shkroi Kallas.
Ajo theksoi se për të avancuar në anëtarësim, Serbia duhet të punojë për rikthimin e besimit dhe respektimin e parimeve demokratike.
“Ky proces bëhet më së miri duke rikthyer besimin dhe duke qëndruar të vërtetë ndaj principeve demokratike,” nënvizoi Kallas.
