Seanca gjyqësore ndaj të pandehurve të dosjes 5D ka pasur tensione në sallën e gjyqit. Avokati i Redi Mollës, Denion Bogdani, ka depozituar një kërkesë për gjykim të shkurtuar, duke kërkuar që shqyrtimi gjyqësor të mos nisë pa u marrë një vendim mbi këtë kërkesë.
Po ashtu avokatët e të pandehurve të tjerë Ermir Beta dhe Ardian Leka, kërkuan shtyrjen e seancës për të njëjtën arsye.
Megjithatë avokatja Evi Sheri që mbron Taulant Tushën, kërkoi që seanca të vazhdojë pa shtyrje, çka shkaktoi një debat mes tyre.
Prokurori i çështjes Klodian Braho, theksoi se kërkesa për gjykim të shkurtuar nuk mund të shërbente si arsye për shtyrjen e seancës, ndërsa gjykata është tërhequr për të marrë një vendim.
