Kuvendi është në krizë totale por kryetari i Nismes Socialdemokrate, Fatmir Limaj jep një sinjal se diçka do të ndryshojë. Ai ka deklaruar se Kosova është në prag të krijimit të një shumice të re parlamentare pa dhënë detaje.
“Shumica formohet para se të shkohet në Kuvend e në votim. Kosova do ta ketë së shpejti shumicën parlamentare. Sigurojë se së shpejti do të ketë shumicë.
Kur bisedoni, ka një kod të komunikimit, nuk mundesh me thane po ose jo. Duhet më gjerësisht, kërkoj mirëkuptim. Do ta keni krejt ku jemi. Ajo që mund të sigurojë është se Nisma do të jep kontribut për të tejkaluar krizën.
Po bashkohemi, burra e gra, që ky zë e kjo platformë të fuqizohet. Politikanët që dinë të bëjnë kompromise, janë ata që dinë të japin zgjidhje. Kosova është mbi ne. Ne jemi të zgjedhurit, jo për të bërë gara, por për ta çuar vendin përpara” deklaroi Limaj.
