Prokuroria e Elbasanit ka nisur hetimet në lidhje me helmimin e fëmijëve nga salmonela në kopshtin nr.1 në Gramsh.
Në spitalin e Gramshit janë paraqitur 7 fëmijë për ndihmë mjekësore. Më pas janë bërë analizat të gjithë fëmijëve dhe personelit të kopshtit.
Në cilësinë e provës materiale janë sekuestruar kartelat klinike për 6 pacientët e shtruar në spitalin e Gramshit, pocesverbalet e kontrollit dhe furnizimit me produkte ushqimore të Kopshtit Nr.1, si dhe janë marre mostrat nga ushqimi për ekzaminime të mëtejshme në kushte laboratorike.
Gjithashtu, është bërë dhe bllokimi i produkteve ushqimore të mbetura në kuzhinën e këtij kopshti.
