Kryetari i bashkisë së Tiranës, Erion Veliaj ka reaguar në lidhje me ndarjen nga jeta të regjisorit Piro Milkani.
Veliaj me anë të një postimi në rrjette sociale shprehet se Milkani i ka dhënë shumë artit dhe kulturës shqiptare. Ai thekson se regjisori la pas një trashëgimi të çmuar që do t’u prijë edukimin kineastëve të rinj.
“Me dhimbje të thellë mora lajmin për ndarjen nga jeta të mjeshtrit të madh të kinematografisë shqiptare, Piro Milkani.
Profesori, regjisori dhe artisti i shquar i dha kaq shumë artit dhe kulturës shqiptare, dhe la pas një trashëgimi të çmuar që do t’u prijë edukimin kineastëve të rinj.
Puna dhe pasioni i tij për filmin janë një pasuri kombëtare e patjetërsueshme”, shkruan Veliaj.
