Instituti i Shëndetit Publik ka njoftuar se nga analizat e kryera tek 79 fëmijë në kopshtin e Gramshit, 17 prej tyre kanë rezultuar pozitivë me bakterin ‘Salmonella Enteritidis’.
Përveç këtyre 17 fëmijëve, për 6 të tjerë priten ende përgjigjet e analizave, ndërsa edhe ata kanë shfaqur një rritje të ngarkesës bakteriale, që ngre shqetësime për infeksion.
Në këtë situatë, Autoriteti Kombëtar i Ushqimit po kryen analiza të mostrave të ushqimeve që kanë konsumuar fëmijët në kopsht, pasi Salmonella Enteritidis zakonisht lidhet me mishin e pulës dhe vezët.
