Në Gramsh ka shpërthyer shqetësim pas disa rasteve të helmimit të fëmijëve në një kopsht publik. Prindërit janë alarmuar nga gjendja e fëmijëve të tyre, të cilët kanë paraqitur simptoma të rënda si të vjella dhe diarre pas konsumimit të ushqimit në institucion. Një prind rrëfen momentet e vështira që kaloi me fëmijën e tij, i cili u trajtua për më shumë se 72 orë me serum.
“Sapo dolën analizat, e kemi trajtuar në shtëpi fëmijën. Ai kishte të vjella dhe diarre çdo 10 minuta. Këto 72 orë ishin një tmerr i vërtetë. Kam binjakë dhe falë Zotit, tjetri nuk u sëmur. Jemi të bindur se fëmijët janë helmuar në kopsht. Nusja më tha se ka qenë supa e pulës, nga informacionet që kemi marrë jozyrtarisht. Kam frikë se sëmundja mund të përhapet dhe po e mbaj fëmijën në shtëpi,” tregon ai.
