Papa Leoni XIV rikthehet sërish me një thirrje për paqe në botë, duke i bërë apel kryesisht liderëve politikë që të punojnë drejt dialogut dhe të ndalin konfliktet.
Edhe pse Moska refuzoi takimin për Ukrainën në Romë, Ati i Shenjtë nuk heq dorë nga lutjet dhe përpjekjet për një zgjidhje paqësore.
Gjatë meshës së tij në bazilikën e San Giovanni in Laterano, Papa tha:
“Mund t’ju siguroj se ju dua, se dëshiroj të hyj në shërbimin tuaj dhe të vë në dispozicion të gjithë fuqitë e mia, atë pak që kam dhe që jam.”
Me këtë mesazh, Papa riafirmon angazhimin e Vatikanit për paqe dhe bashkëpunim në botë.
