Autoritetet belge kanë goditur një organizatë kriminale shqiptare gjatë një operacioni antidrogë të zhvilluar më 20 maj në disa qytete të vendit. Gjatë aksionit, u kryen 11 kontrolle në rajonet Diest, Geel, Liège, Herstal, Lummen, Oupeye dhe Tremelo.
Si rezultat, u arrestuan tetë persona, gjashtë prej të cilëve të moshës 32 deri në 46 vjeç u lanë në paraburgim. Hetimet kishin nisur që në nëntor 2023 dhe zbuluan se grupi ishte i përfshirë në kultivimin dhe trafikun ndërkombëtar të drogës, kryesisht kanabis, në Belgjikë dhe Francë.
Gjatë operacionit u sekuestruan 36.5 kg kanabis, lëndë të tjera narkotike, para cash dhe armë zjarri. Autoritetet shqiptare dhe franceze bashkëpunuan në këtë aksion, i cili u koordinua nga Prokuroria e Leuven-it.
