Gjykata Kushtetuese ka rrëzuar kërkesën e PD, e cila kërkoi heqjen e mandatit të deputetit socialist Vullnet Sinaj, që e akuzon se përmes bizneseve ka përfituar 36 mijë euro nga buxheti i shtetit.
Më 5 mars, PD iu drejtua kushtetueses me kërkesën që të bëjë deklarimin të papajtueshëm të vendimit të 30 janarit 2025 në parlament, për mosdërgimin e mocionit në Gjykatën Kushtetuese nga Kuvendi për mandatin e Sinajt.
PD e cilëson si të papajtueshëm mandatin e ligjvënësit socialist dhe për këtë shkak i është drejtuar me firmat e 14 deputetëve, mes tyre edhe Erisa Xhixho, përfaqësuese e Partisë së Lirisë, që Gjykata Kushtetuese të detyrojë Kuvendin e Shqipërisë për dërgimin në këtë institucion të “mocionit të konstatimit të papajtueshmërisë së mandatit të deputetit Vullnet Sinaj”.
