Ukraina ka shprehur gatishmërinë për të zhvilluar bisedime të reja me Rusinë, por kërkon që fillimisht të marrë një memorandum nga Moska, për të siguruar që takimi i mundshëm i planifikuar për më 2 qershor në Stamboll të ketë rezultate konkrete.
“Nuk jemi kundër zhvillimit të takimeve të tjera me palën ruse, por presim që ata të na dërgojnë memorandumin e tyre, në mënyrë që takimi të mos jetë bosh dhe të mund të na afrojë realisht drejt përfundimit të luftës”, shkruan ministri i Mbrojtjes së Ukrainës, Rustem Umerov, në një postim në rrjetin social X (ish-Tëitter).
Sipas tij, pala ruse ka edhe të paktën katër ditë kohë për të dorëzuar dokumentin që Kievi do të shqyrtojë para nisjes së mundshme për në Turqi.
