Shirat e rrëmbyeshëm që goditën rajonin Mokëa në shtetin e Nigerit, në perëndim të Nigerisë, shkaktuan përmbytje. Si pasojë të paktën 25 persona kanë humbur jetën dhe dhjetëra janë zhdukur.
Sipas zyrtarëve të Agjencisë Shtetërore për Menaxhimin e Emergjencave (SEMA), rreth 50 shtëpi u përfshinë nga ujërat e furishme, së bashku me familjet që jetonin në to.
Ekipet e shpëtimit dhe vullnetarët arritën të shpëtojnë disa banorë, përfshirë një nënë dhe dy fëmijët e saj.
Ndërsa shërbimi Meteorologjik Nigerian kishte paralajmëruar më herët për reshje të dendura në 15 shtete, por dëmet e shkaktuara nga përmbytjet në Mokwa kanë qenë veçanërisht të rënda.
