Komisioni i Ankimimeve dhe Sanksioneve ka rrëzuar kërkesat e kandidatëve Ilir Alimehmeti, Mimoza Hajdarmataj, Lisandër Hoxha dhe Aulon Kalaja për rinumërim votash në listat e hapura të Partisë Demokratike.
Me shumicë votash, 4 pro dhe 1 kundër, KAS vendosi se kandidatët nuk kanë legjitimitetin e nevojshëm për të kërkuar verifikim të rezultatit individual. I vetmi anëtar që votoi në favor të kërkesës ishte Ilir Rusmali, i cili argumentoi se kandidatët duhet të kenë të drejtë të ankimojnë rezultatin e tyre personal.
Vendimi vjen mes debateve të brendshme për transparencën dhe procesin zgjedhor brenda listave të hapura.
