Një 36-vjeçar nga Tirana, i cili ndodhej në masë sigurie “arrest në shtëpi”, ka vjedhur një automjet në rrugën “Siri Kodra”. Kur policia i bëri shenjë për ndalim, ai nuk iu bind dhe u largua me makinë, duke u ndjekur për disa kilometra.
Në aksin “Rinas-Tiranë” ai braktisi makinën dhe tentoi të arratiset në këmbë, por u kap nga policia dhe u arrestua. Mjeti i vjedhur u sekuestrua.
Policia njoftoi se 36-vjeçari ishte më parë i dënuar për vjedhje dhe ka thyer masën e sigurisë.
