Tedi Blushi, sekretar i Përgjithshëm i Partisë së Lirisë, ka kritikuar ashpër zgjedhjet e 11 majit, duke i quajtur “terrorizëm elektoral”. Ai tha se gjatë procesit ka pasur kërcënime dhe përdorim të administratës publike për të ndikuar votuesit.
Blushi e konsideroi si “shaka të madhe” ftesën e Kryemadhit për të votuar Ilir Metën, ndërkohë që ai vetë godiste bashkëpunëtorët e tij më të afërt.
“Rreth 8000 anëtarë të Partisë së Lirisë, edhe nën presion e shantazh, votuan për presidentin Ilir Meta,” tha Blushi, duke shtuar se kjo javë do të përfundojë analiza e brendshme e rezultatit dhe se do të nisë një pastrim i partisë nga ata që kanë përfituar nga PL dhe Meta, por tani janë pranë Edi Ramës.
