Mëngjesin e së premtes me 6 qershor do të falet Kurban Bajrami në bulevardin “Dëshmorët e Kombit” në Tiranë.
Komuniteti Mysliman i Shqipërisë ka zbuluar edhe progarmin e kremtimit, që nis që në orën 05:45 e mëngjesit, me faljen që do e drejtojë kreu i Komunitetit, Bujar Spahiu në orën 06:15 dhe deri te Hutbeja e Bajramit nga imami i xhamisë së “Et’hem Bej”, Elton Karaj.
Ndërsa pritja tradicionale do të bëhet në selinë e KMSH-së nga ora 09:00 deri në 12:00.
Gjithashtu Komuniteti Mysliman i Shqipërisë iu uron të gjithë shqiptarëve Gëzuar Kurban Bajramin.
