Ministri i Brendshëm, Ervin Hoxha ka pritur në takim të Ngarkuarën me Punë në SHBA në Tiranë, Nancy VanHorn.Takimi u zhvillua në kuadër të forcimit të bashkëpunimit dy palësh në fushën e sigurisë dhe rendit publik. Ministri Hoxha e cilësoi takimin si të frytshëm.
Ai deklaroi se “Diskutuam mbi bashkëpunimin e ngushtë dhe të vazhdueshëm në fushën e sigurisë, si shtyllë e rëndësishme e marrëdhënieve tona të shkëlqyera”.
Hoxha shprehu mirënjohjen për mbështetjen e SHBA-ve në forcimin e rendit dhe në luftën kundër kriminalitetit, duke e cilësuar këtë mbështetje si thelbësore për një të ardhme më të sigurt për qytetarët shqiptarë.
