Prokuroria e Tiranës ka sekuestruar 9.000 metra katror tokë arë në zonën e Fushë Prezës, në kuadër të hetimeve për një rast të dyshuar mashtrimi dhe pastrimi parash. Hetimet u nisën pas kallëzimit të M.D., i cili denoncoi se prona e trashëguar nga gjyshi i tij ishte përvetësuar në mënyrë të paligjshme nga A.T.
Sipas Prokurorisë, A.T. ka kaluar pronën në emër të tij pa miratimin e anëtarëve të tjerë të familjes dhe e ka shitur përfitime personale. Ai ka dhënë deklarata kontradiktore, duke pretenduar se prona ishte trashëguar dhe më pas se e kishte blerë, por nuk ka mundur të justifikojë burimin e shumës prej 450.000 euro për blerjen.
Në vitin 2016, prona është “dhuruar” për B.V., i cili ka deklaruar se e ka blerë për 100.000 euro. Hetimet po vazhdojnë për të zbardhur gjithë rrethanat e këtij rasti.
