Me nisjen e sezonit turistik në Shëngjin, Bashkia Lezhë ka filluar një aksion për lirimin e hapësirave publike në plazhe. Inspektorët, me mbështetje nga Policia Bashkiake dhe Policia e Shtetit, kanë verifikuar vendosjen e shezlongëve dhe çadrave jashtë kritereve të përcaktuara. Ky aksion ka nisur nga zona e Ranës së Hedhun.
Nënkryetari i Bashkisë, Fatjon Zefi, theksoi se do të merren masa të rrepta ndaj shkelësve, përfshirë sekuestrimin e pajisjeve dhe gjoba për bizneset që nuk respektojnë rregullat. Aksioni do të vijojë gjatë gjithë sezonit turistik, për të garantuar një plazh të pastër dhe të sigurt për vizitorët.
