Ditën e sotme u mbajt seanca gjyqësore në lidhje me vrasjen e Liridona Ademaj, ku i akuzuar është bashkëshorti i saj Naim Murseli dhe tre të tjerë.
Leutrim Syla, avokati i familjes Ademaj tha se gjatë seancës janë janë ngritur disa dilema për të kërkuar të vërtetën e plotë se përse u vra Liridona Ademaj. Avokati tha se Naimi duhet dhe tu përgjigjet pyetjes së fëmijëve se përse e lejoi vrasjen e nënës së tyre.
“Besoj që në këtë seancë duhet të jepet përgjigja ndaj pyetjes së fëmijëve: Pse babi e la hajnin me ia bo mamit bam? “, tha avokati Syla.
Naim Murseli është deklaruar i pafajshëm për akuzat, ka thënë se po që se vërtetohet aktakuza ndaj tij, “atëherë ai vetë do të kërkojë dënim me burgim të përjetshëm”.
Ndërsa të akuzuarit e tjerë, Granit Plava u mbrojt në heshtje dhe Kushtrim Kokalla u deklarua i pafajshëm.
