Policia e Durrësit ka identifikuar pesë persona të përfshirë në atentatin ndaj 29-vjeçarit Ermir Dedja, ngjarje e ndodhur në lagjen nr.18.
Në pranga kanë rënë E.N., 36 vjeç, nga Shkallnuri dhe K.B., 35 vjeç, nga Durrësi, për kontrabandë mjetesh. Është shpallur në kërkim Xh.D., 33 vjeç, për sigurim kushtesh për vrasje dhe kontrabandë.
Dy të tjerë, E.N., 44 vjeç, nga Rrashbulli dhe M.D., 46 vjeç, maroken, janë shpallur në kërkim për të njëjtat akuza dhe rezultojnë jashtë vendit.
Policia ka sekuestruar një automjet “Seat” të dytë, që dyshohet se do të përdorej për një tjetër ngjarje kriminale. Vijon puna për kapjen e të shpallurve në kërkim.
