Edhe pse është arrestuar dhe në Bashkinë e Tiranës po bëhen ndryshime të mëdha në stafin e tij, Erion Veliaj nuk ka ndërprerë aktivitetin në rrjetet sociale. Në Facebook ai vazhdon të publikojë mesazhe dhe video, ndërsa në TikTok, platformë që është e ndaluar në Shqipëri, Veliaj duket se gjen mënyra për të qëndruar aktiv, pavarësisht urdhrave zyrtarë për bojkot.
Ky lëvizje e Veliajt është parë si një sinjal i fortë, që tregon se ai nuk është i dorëzuar politikisht dhe po mundohet të ruajë ndikimin e tij, edhe nga distanca. Ndërkohë, brenda Partisë Socialiste duket se ka tensione, pasi shumë bashkëpunëtorë të tij nuk po ndjekin të njëjtën rrugë në rrjetet sociale.
Në një kohë kur PS po përpiqet të mbajë kontroll të rreptë mbi komunikimin publik, veprimet e Veliajt po ngjallin pyetje për marrëdhëniet e brendshme dhe për sfidat që mund të sjellë kjo situatë në të ardhmen.
