Ajola Xoxa, bashkëshortja e kryetarit të Bashkisë së Tiranës, Erion Veliaj, është paraqitur këtë të hënë në Prokurorinë e Posaçme kundër Korrupsionit (SPAK), si pjesë e masës “detyrim paraqitje”.
Xoxa po hetohet për akuza që lidhen me korrupsion pasiv, fshehje pasurie dhe pastrim parash. Hetimet janë në vijim dhe paraqitjet periodike para autoriteteve janë pjesë e masës së sigurisë që ka vendosur Gjykata e Posaçme.
Ndërkohë, Erion Veliaj, i arrestuar në muajin shkurt, pritet të dalë sot në një seancë në Apelin e Posaçëm, ku do të shqyrtohet kërkesa e tij për lirim nga paraburgimi. Ai përballet me disa akuza për korrupsion dhe pastrim parash, ndërsa vendimi i gjykatës pritet me interes të lartë publik.
