Ndeshja mes Shqipërisë dhe Serbisë, e zhvilluar në “Air Albania”, kaloi pa incidente, edhe pse konsiderohej me rrezikshmëri të lartë. Trajneri serb, Dragan Stojkoviç, vlerësoi atmosferën pozitive në stadium, por pas takimit shpërthyen polemikat.
Federata Serbe e Futbollit e falënderoi FSHF-në për pritjen e shkëlqyer gjatë qëndrimit në Shqipëri, duke përfshirë momentet e para në aeroport dhe deri në largimin nga Tirana. Megjithatë, ata kritikuan disa mesazhe të papranueshme që qarkulluan pas ndeshjes.
Në fund, takimi u mbyll me shtrëngim duarsh mes ekipeve, por pas ndeshjes u shpërndarë një atmosferë tensionuese për disa mesazhe të papërshtatshme, të cilat Stojkoviç i quajti të papranueshme.
