Një zjarr ka shpërthyer sot në një banesë në Qafën e Kalasë, në qytetin e Beratit. Pas njoftimit të marë, forcat zjarrfikëse dhe policia kanë mbërritur në vendngjarje për të ndërhyrë dhe vënë nën kontroll flakët.
Zjarrfikësit e kanë shuar shpejt zjarrin që kishte përfshirë kuzhinën e shtëpisë, ndërkohë që hetimet paraprake tregojnë se shkaku ka qenë një rrjedhje gazi nga soba me gaz.
Si pasojë e zjarrit, kuzhina ka pësuar dëme të mëdha, ndërsa zonja e shtëpisë, Ëngjëllushe Kokoshi, ka pësuar djegie të lehtë në këmbë. Ajo është transportuar në Spitalin Rajonal të Beratit për trajtim.
Njësitë përkatëse po punojnë për hetimin e shkaqeve të plota dhe të mundshme të ngjarjes.
