Reali i Madridit bëri sot prezantimin e mbrojtësit Dean Huijsen. Dëshira e tij ishte të vishej me të bardha, foli për idhullin e tij që është Ramos, por edhe trajnerin Alonso.
Pse numri 24 dhe zgjedhja e Real Madridit? “Për mua, numri 24 është numri që është i disponueshëm. Real Madridi është klubi më i mirë në botë, dhe nuk ka asnjë ekip tjetër si ai.
A keni folur me Xabin? “Po, pak, për atë që ai pret nga unë dhe mendoj se do të jenë vite të mira.”
Çfarë prisni nga Madridi? “Përshtatem shumë mirë me stilin e futbollit të Xabit. Do të përpiqem ta ndihmoj ekipin në çdo mënyrë që mundem.”
Nëse do t’jua thoshin këtë gjashtë muaj më parë… “Për mua, debutimi im me Spanjën dhe nënshkrimi për Madridin është një ëndërr, ajo që po jetoj është një ëndërr.”
Kërkesat e Madridit? “Mendoj se kam treguar se jam gati. Jam këtu për të ndihmuar ekipin në çdo mënyrë që mundem. Dua të fitoj gjithçka si lojtar dhe kam shumë ambicie.”
Si është Huijsen? “Jam mjaft i qetë. Jam vetvetja, do të jetoj jetën time dhe do të bëj atë që dua më shumë. Mundohem të jem modest dhe të punoj shumë.”
Ramos si idhull dhe nëse keni folur? “Ai më dërgoi një mesazh ditën që u bë zyrtare, qendërmbrojtësi më i mirë në histori.”
Mbrojtësi më i shtrenjtë në historinë e klubit, nëse mund të japësh mendimin e tënd? “Nuk më intereson shumë, nuk mendoj për këtë.”
Telefonata më e veçantë e Mourinhos? “E thashë edhe më parë, isha në darkën e Krishtlindjeve me familjen time dhe Mourinho më telefonoi. Ai është një nga trajnerët më të mëdhenj në historinë e futbollit.”
