Një valë ekstreme e të nxehtit ka përfshirë veriperëndimin e Indisë. Temperaturat alarmante janë regjistruar në qytetin Sri Ganganagar në shtetin Rajasthan, ku termometri arriti 47.3 gradë celsius, sipas të dhënave të publikuara nga Departamenti Meteorologjik i Indisë.
IMD paralajmëron që kjo valë e të nxehtit të zgjasë edhe 4 deri në 5 ditë, duke vënë në rrezik të lartë banorët e zonave të prekura, veçanërisht të moshuarit dhe personat me sëmundje kronike.
“Ndikimi i të nxehtit mbi trupin e njeriut ndryshon në varësi të vendndodhjes, ekspozimit dhe aktivitetit fizik. Në këto kushte, qëndrimi për një kohë të gjatë në ambient të hapur mund të jetë i rrezikshëm,” thuhet në paralajmërimin e specialistëve të shëndetit publik.
