Një 20-vjeçar nga fshati Gjonomadh i Korçës, i zhdukur prej gjashtë ditësh, është gjetur i vdekur mëngjesin e sotëm.
Dyshohet se i riu është vetëvarur pranë përroit të zonës. Ai ishte larguar nga banesa pa marrë sendet personale, gjë që kishte shqetësuar familjarët dhe i kishte shtyrë të lajmëronin policinë.
Trupi u gjet sot, duke i dhënë fund kërkimeve disa ditore. Policia po punon për të sqaruar rrethanat e plota të ngjarjes.
