Një avion i Air India me 242 pasagjerë në bord u rrëzua në aeroportin e qytetit perëndimor të Ahmedabadit, Indi.
Caught On Cam: Passenger plane crashes near Ahmedabad Airport.#PlaneCrash #Gujarat #Ahmedabad #ViralVideo pic.twitter.com/EkitM2Eg9Y
— TIMES NOW (@TimesNow) June 12, 2025
Aeroplani ishte nisur për në Aeroportin Gatwick të Londrës dhe në rrethana ende të paqarta, u rrëzua gjatë ngritjes.
Sipas IndiaToday, në bord të avionit ndodheshin 242 persona, nga të cilët 230 ishin pasagjerë dhe 12 ishin anëtarë të ekuipazhit.
Imazhet e para nga incidenti tregojnë kaosin që mbizotëron në vendngjarje me mbeturina që digjen dhe tym të zi të dendur që ngrihet në qiell pranë aeroportit.
Imazhet treguan gjithashtu njerëz që transportoheshin me barela dhe merreshin me ambulanca.
Sipas raportimeve fillestare, bëhet fjalë për një avion Boeing 787 Dreamliner që ka një kapacitet prej afërsisht 300 pasagjerësh.
Aktualisht nuk ka konfirmim zyrtar për viktima, ndërsa një operacion shpëtimi është duke u zhvilluar.
