Sekretari i Shtetit, Marco Rubio deklaroi të enjten se Shtetet e Bashkuara nuk kanë qenë të përfshira në sulmet që Izraeli ndërmori kundër Iranit, duke theksuar se Izraeli e kishte “njoftuar” SHBA-në se besonte se “veprimi ishte i nevojshëm për vetëmbrojtje”.
“Sonte, Izraeli ndërmori një veprim të njëanshëm kundër Iranit. Ne nuk jemi të përfshirë në sulmet ndaj Iranit dhe prioriteti ynë kryesor është mbrojtja e forcave amerikane në rajon. Izraeli na informoi se beson se ky veprim ishte i nevojshëm për vetëmbrojtjen e tij.
Presidenti Trump dhe administrata kanë ndërmarrë të gjitha hapat e nevojshëm për të mbrojtur forcat tona dhe jemi në kontakt të ngushtë me partnerët tanë rajonalë. Të jem i qartë: Irani nuk duhet të shënjestrojë interesat apo personelin amerikan,” u shpreh ai.
