Ministri izraelit i Mbrojtjes, Izrael Katz tha se Irani “ka kaluar vijat e kuqe” duke qëlluar raketa në qendrat e popullsisë civile. Katz u zotua se Irani do të paguajë një “çmim shumë të rëndë” për veprimet e tij.
Policia izraelite i ka kërkuar publikut të shmangë afrimin e vendeve ku kanë rënë raketat balistike iraniane. Gjithashtu u bëri thirrje publikut të mos prekë municionet ose mbeturinat.
Një municion iranian i kapur nga Izraeli ka rënë në Distriktin Verior të vendit të premten në mbrëmje sipas kohës lokale, sipas zëdhënësit të policisë së Izraelit.
“Në këtë fazë, nuk ka raportime për të lënduar, por janë raportuar dëme materiale”, tha zëdhënësi.
Zjarrfikësit në Distriktin Verior po punojnë në dy incidente në zona të hapura si rezultat i sulmeve iraniane, tha shërbimi lokal i zjarrfikësve dhe shpëtimit.
