Gjykata e Apelit për Krimet e Rënda ka vendosur të mbajë në fuqi masën e sekuestrimit të pasurisë së ish-zëvendëskryeministrit Arben Ahmetaj, i cili është në kërkim nga autoritetet shqiptare.
Ky vendim u mor pas rishqyrtimit të çështjes, e cila ishte kthyer nga Gjykata Kushtetuese.
Gjyqtari monokratik Dhimitër Lara konfirmoi vendimin e Gjykatës së Posaçme kundër Korrupsionit dhe Krimit të Organizuar, duke lënë në fuqi sekuestron preventive të një apartamenti me sipërfaqe 167 metra katrorë që i përket Ahmetajt, si dhe dy llogarive bankare në emër të tij.
