Presidenti francez Emmanuel Macron ka zhvilluar një bisedë telefonike me homologun iranian Masoud Pezeshkian, duke i kërkuar Iranit përmbajtje maksimale për të shmangur përshkallëzimin e konfliktit me Izraelin dhe kthimin sa më shpejt në negociatat bërthamore.
Megjithatë, Pezeshkian i ka bërë të qartë Macronit se Irani nuk do të ulet në tryezën e bisedimeve ndërsa vazhdojnë sulmet izraelite.
Ky qëndrim pasoi anulimin e bisedimeve mes SHBA dhe Iranit që ishin planifikuar të zhvilloheshin të dielën.
