Policia e Shkodrës në kuadër të operacionit “Koordinata” ka asgjësuar 12 203 bimë e fidanë të dyshuara narkotike të llojit cannabis sativa në njësinë administrative Pult. Ndërsa nxhinieri i pyjeve, A.M., është proceduar në gjendje të lirë për shpërdorim detyre dhe moskallëzim të krimit.
Gjithashtu në njësinë administrative Temal, Vau i Dejës u asgjësuan 11 748 bimë narkotike. Ndërsa kryeplaku i fshatit Kllogjen, Gj. G., si edhe dy vrojtues pyjesh P. Sh. dhe F. G., u proceduan për shpërdorim detyre.
Ndërkohë po vijon puna për identifikimin, kapjen dhe ndjekjen penale të autorëve të këtyre rasteve.
