Kryeministri Edi Rama ka njoftuar në rrjetet sociale se për herë të parë në Shqipëri ka nisur Shkolla Verore. Ky program i Ministrisë së Arsimit dhe Sportit po pilotohet në 10 shkolla të tri bashkive, Tiranë, Kamëz dhe Durrës.
Rama theksoi se ky model i ri ka si qëllim të ofrojë mundësi zhvillimi për fëmijët, duke u fokusuar në lojë, sport dhe aktivitete argëtuese. Ai gjithashtu bëri të ditur se Shkolla Verore do të zgjasë dy javë dhe do të përfshijë mbi 1000 nxënës nga klasa I-V.
