Gjykata e Posaçme kundër Korrupsionit dhe Krimit të Organizuar ka vendosur të vazhdojë masën e sigurisë “arrest në burg” për Loran Dushën, ish-administrator i inceneratorit të Fierit.
Dusha u ekstradua në Shqipëri dy ditë më parë nga Zimbabve, ku ishte arrestuar pas shpalljes në kërkim ndërkombëtar për aferën e inceneratorëve.
Ai akuzohet për shkelje ligjore gjatë menaxhimit të kontratave për ndërtimin dhe operimin e inceneratorit, një prej çështjeve kryesore që po hetohen nga SPAK.
Dusha dyshohet se ka përfituar në mënyrë të paligjshme fonde publike përmes faturave dhe pagesave për punë të pa kryera.
