Kompania Meta, pronare e WhatsApp, ka reaguar ndaj thirrjes së qeverisë iraniane për të fshirë aplikacionin, duke mohuar akuzat se WhatsApp ndan informacione me Izraelin. Në një deklaratë, Meta thekson se mesazhet në WhatsApp janë të enkriptuara nga fillimi në fund dhe askush përveç dërguesit dhe marrësit nuk ka qasje në to.
Zëdhënësi i kompanisë u shpreh i shqetësuar se këto akuzë të pavërteta mund të shërbejnë si justifikim për bllokimin e shërbimeve në Iran, duke theksuar se Meta nuk jep informacion në masë për asnjë qeveri. Për më shumë se një dekadë, kompania ka publikuar raporte transparence mbi rastet kur është kërkuar informacion nga WhatsApp.
