Seanca gjyqësore për ish-kryebashkiakun e Durrësit, Vangjush Dako, është shtyrë për një datë tjetër. Nuk është bërë e ditur ende arsyeja e shtyrjes së gjyqit, ku Dako akuzohet për veprën penale “shpërdorim detyre”.
Ish-kryebashkiaku i Durrësit është dënuar më herët me 2 vite e 8 muaj burg për dy raste të shpërdorimit të detyrës, përfshirë ndërtimin e një pallati që u shemb gjatë tërmetit të vitit 2019 dhe një tender për ndërtimin e një shëtitoreje që ka shkaktuar një dëm prej 18 milionë lekësh në buxhetin e shtetit.
