Qeveria holandeze ka propozuar dhe ka këshilluar prindërit që të ndalojnë përdorimin e rrjeteve sociale si TikTok dhe Snapchat për fëmijët nën moshën 15 vjeç.
Sipas Ministrisë së Shëndetësisë së Holandës, përdorimi intensiv i ekraneve dhe rrjeteve sociale lidhet me probleme gjumi, kriza paniku, simptoma depresive, përqendrim të dobët dhe vetëvlerësim të ulët.
Holanda i bashkohet vendeve si Franca, Greqia dhe Danimarka, të cilat kërkojnë ndalimin e rrjeteve sociale për fëmijët nën 15 vjeç. Ndërsa Spanja nga ana tjetër, propozon ndalimin për ata nën 16 vjeç.
