Mbrëmjen e sotme një makinë është përfshirë nga flakët në rrugën e Mimiasit në fshatin Rroshnik të Beratit. Menjëherë kanë mbërritur shërbimet zjarrfikëse të cilat kanë shuar flakët duke shmangur përhapjen drejt masivit me pisha dhe parcelave me ullinj.
Dyshohet se shkak ka qenë një defekt në qarkun elektrik të mjetit tip “Peugeot”, që ishte në pronësi të Vangjel Bitri, banues në Berat.
Ai kishte shkuar në parcelën që zotëron në Mimias, ndërsa mjeti mori flakë rreth 40 minuta pasi ishte fikur dhe parkuar në rrugë. Fatmirësisht, nuk raportohet për të lënduar.
