Në qarkun e Shkodrës është rikthyer sëmundja e murtajës së ruminantëve.
Këtë herë sëmundja është identifikuar në një fermë në fshatin Trush, ku janë prekur 200 dele.
Ndërkohë nesër pritet të kryhet asgjësimi i të gjithë krerëve në këtë fermë, në përputhje me masat e sigurisë veterinare.
Nga sot zona e fshatit Trush është vendosur në karantinë dhe është ndaluar lëvizja e bagëtive si brenda ashtu edhe jashtë zonës. Autoritetet bëjnë apel për bashkëpunim nga fermerët dhe njoftimin e menjëhershëm të çdo rasti të dyshuar.
