Drejtori i Agjencisë Ndërkombëtare për Energjinë Atomike (AIEA), Rafael Grossi ka paralajmëruar për rrezikun e madh që paraqet një sulm ndaj impianteve bërthamore iraniane, veçanërisht centralit në Bushehr, përcjell Reuters.
Grossi tha gjatë një fjalimi në OKB se “Një goditje direkte mund të çojë në çlirimin masiv të materialeve radioaktive, me pasoja jashtëzakonisht serioze për mjedisin dhe shëndetin publik.”
Gjithashtu ai bëri thirrje për përmbajtje maksimale nga të gjitha palët në konfliktin e Lindjes së Mesme.
“Impiantet bërthamore nuk duhet të jenë kurrë objektiv ushtarak,” përfundoi drejtori i AIEA.
