Presidentja e Kosovës, Vjosa Osmani zhvilloi sot homazhe në nder të dëshmorëve me Ditën e Çlirimit të Istogut.
Osmani me anë të një postimi në rrjetet sociale shprehet se memoriali në Vrellë të Istogut është vend kujtese, themel i shtetit dhe simbol i kujtesës.
“Në Ditën e Çlirimit të Istogut, u përkulëm me nderim para dëshmorëve të Ushtrisë Çlirimtare të Kosovës, bijve e bijave më të denjë të kombit tonë, që u flijuan për lirinë që gëzojmë sot.
Ky memorial në Vrellë të Istogut është vend kujtese, por edhe themel i shtetit tonë dhe simbol i sakrificës që nuk harrohet kurrë.
Lavdi e përjetshme dëshmorëve tanë!”, shkruan Osmani.
