Sot, vendi ynë do të përballet me kushte atmosferike relativisht të paqëndrueshme. Orët e para të ditës do të jenë kryesisht të kthjellëta, por pas mesditës pritet shtim i vranësirave, sidomos në zonat malore të lindjes dhe juglindjes.
Reshjet e shiut do të fillojnë gradualisht në territor me intensitet të ulët, ndërsa në lindje dhe juglindje priten shtrëngata të shkurtra me intensitet mesatar, të shoqëruara me shkarkesa elektrike dhe breshër të mundshëm. Gjatë mbrëmjes reshjet do të dobësohen dhe do të ndërpriten.
Era do të fryjë nga verilindja në veriperëndim me shpejtësi mesatare prej 5 metër për sekondë, ndërsa në lugina dhe zona bregdetare mund të arrijë deri në 10 m/s.
Deti do të jetë i qetë, me valëzim të ulët në nivelin 1 deri në 2 ballë.
