Kryetarja e Kuvendit, Elisa Spiropali u prit sot në takim në Bruksel nga presidenti i Senatit, Vincent Blondel.
Spiropali dhe Blondel gjatë takimit ndanë vullnetin e përbashkët për thellimin e bashkëpunimit dypalësh parlamentar.
Gjithashtu Spiropali i shprehu Blondel mirënjohjen për mbështetjen e Belgjikës ndaj Shqipërisë.
“Mirënjohje për mbështetjen e vazhdueshme të Belgjikës ndaj planit ambicioz, por realist të Shqipërisë për mbylljen e negociatave dhe anëtarësimin në Bashkimin Europian brenda kësaj dekade”, tha ajo.
