Ministri i Jashtëm izraelit, Gideon Saar, ka akuzuar Gardën Revolucionare të Iranit për përpjekje për të sulmuar qytetarë izraelitë në Qipro.
Në një postim në rrjetin social X, Saar tha se autoritetet qipriote, së bashku me shërbimet izraelite të sigurisë, e parandaluan sulmin. Ai e cilësoi regjimin iranian si “kriminal” dhe tha se po synon civilët izraelitë brenda dhe jashtë vendit.
Saar shtoi se Izraeli do të veprojë për të mbrojtur qytetarët e vet dhe për të shmangur çdo kërcënim që vjen nga Irani.
