Irani ka reaguar ashpër ndaj sulmeve ajrore të SHBA-së mbi tri qendra bërthamore iraniane. Këshilltari i liderit suprem, Ali Shamkhani, deklaroi se edhe nëse objektet janë shkatërruar, “loja nuk ka mbaruar”.
Ai theksoi se materialet e pasuruara, dija shkencore dhe vullneti politik i Iranit mbeten të paprekura.
Shamkhani paralajmëroi se “surprizat do të vazhdojnë”, duke nënkuptuar mundësinë e hakmarrjes.
Deklarata vjen në kulmin e tensioneve mes Iranit, SHBA-së dhe Izraelit, pas sulmeve mbi qendrat në Fordow, Natanz dhe Isfahan.
