Sekretari amerikan i Shtetit, Marco Rubio, ka paralajmëruar ashpër Iranin të mos ndërmarrë hakmarrje pas sulmeve ajrore ndaj objekteve bërthamore iraniane. Në një intervistë për Fox News, ai tha se çdo reagim i Iranit do të ishte “gabimi më i madh që ka bërë ndonjëherë”.
Rubio theksoi se SHBA nuk kërkon luftë apo ndryshim regjimi në Iran, dhe se është i hapur për dialog me Teheranin. Deklaratat vijnë në një kohë tensionesh të larta pas goditjeve amerikane dhe kërcënimeve iraniane për mbylljen e Ngushticës së Hormuzit.
