Udhëheqësi suprem i Iranit, Ajatollah Ali Khamenei ka reaguar për herë të parë pasi bombardimeve amerikane në tre objekte bërthamore në Iran. Në një postim në platformën X, ai tha se “ndëshkimi kundër Izraelit”, nuk do të ndalet. “Kanë bërë një gabim të rëndë, ka kryer një krim të madh dhe për këtë duhet dhe po ndëshkohet”, ka thënë mes të tjerash ai.
Por Presidenti amerikan Donald Trump aludoi për mundësinë e ndryshimit të regjimit në Iran. “Nuk është politikisht korrekte të përdoret termi ‘Ndryshim Regjimi’, por nëse regjimi aktual iranian nuk është në gjendje ta bëjë IRANIN PËRSËRI TË MADH, pse nuk do të kishte një ndryshim regjimi??? MIGA!!!” shkroi Trump, duke “eksportuar” kështu sloganin Make America Great Again (MAGA) me të cilin fitoi zgjedhjet Presidenciale të 5 nëntorit 2024.
